طلب استشارة

Cinderella 17/02/14, 04:39 pm

محتاجة إستشارة د. فراس

كنت بعمل دايت عادى لفترة 6 شهور بشكل معتدل وخسيت 15 ك وانا محتاجه للدايت
لأن عندى شاكل فى مفاصلى ولأن عندى مشكلة ان الرباط الصليبى مقطوع
كنت عاملة حادثة سابقا ......

ماعلينا بعد الدايت وصلت الى 86 ك ظهر فى رقبتى تضخم ......

لظهور التضخم ده فى رقبتى ظهر فى اشعة االألترا ساوند لكن تحاليل قبل العملية كانت مفيش مشكلة فى الغده

روحت لدكتور جراحة لمعرفة السبب قال ان ده ( كيس ) فوق الغده وبما انه ظهر يبقى لازم يتشال هو والغده وبعد كده يتتحلل ولكن هيسيب جزء صغير منها لإفادة الجسم

وفعلا انا عملت عملية استئصال للغدة الدرقية العملية يوم 30 -8 -2013
بعد العملية

عملت تحليل العينة طلع ان مافيش امراض وحشة لكن فى التهاب فى الجزء الباقى من الغده (هاشيموتو )

1- ادانى مرهم للجرح وبعد فترة بقى يألمنى كل ما أحطه بطلته بعد شهر ( لغاية دلوقتى سابت اثر ندبة مكان العملية ومش عارفة هل الندبة دى هاتروح ولا خلاص سبتت على كده ومأزماني ) (فى جزء من الحرج بقى كويس التانى لسه فيه الندبة دى )

و د الجراحة كتب لي التروكسين 100 ومادانيش كالسيوم وحولنى على د الغدد

عملى الألتروكسين ساعتها ضربات قلب سريعة

لما روحت لدكتور الغدد كان متضايق تقريبا لأنى ابتديت الجراحة بس ساعتها انا مكنش فى اى دكاترة اقدر اروحلهم كانت ظروف المواصلات والأجازات فإضطريت اروح لدكتور الجراحة ده

فد كتور الغدد قاللى اكمل التروكسين 100 وادانى كورس كالسيوم

ابتديت اخد دلوقت euthyrox 150 لأن تحليل ال tsh عالى جدا مرة كان over 75 وبعدها بشهر بقى 51

قلبى كل ما أجى انا ضرباته سريعة جدا فروحت لدكتور قلب كتبلى على دواء لحمياة القلب اسمة (بيزوكار) 5 mg

دكتور الغده قالى لا اقسمى الجرعة وخدى 2 ونص دى حاليا الجرعة للى انا باخدها هاعمل تحاليل جديدة واروح للدكتور يوم 24/2/2014

بردانة دايما وبجوع

وأحياننا بتجيلى حالة لمدة ثوانى او دقايق انى مش بحس بنفسى بصراحه انا مش عارفة اوصفها صح قست الضغط فى ساعتها طلع عادى
وبتجيلى دلوقتى الحالة دى كل يوم

وبقيت فى منتهى الرعب
فى معلومة اتقالت ليا (انى هاخس لما اخد دواء الغدة ) ؟؟؟؟؟؟؟؟؟؟؟؟

ا]color=#ff3399]نا عندى بعض المخاوف وقلقانة جدا

1- هل ممكن التضخم يرجع تانى (لأنى مرة بصيت فى المرايا فحسيت وانا بابلع ريقى ان فى حاجة كبيرة شوية ) وللا دى تهيؤآت

2- محتاجه دايت اعملة لأن وزنى ذاد بقيت 98 ك ورجلى ابتدت تتعب تانى وايه الأديوية اللى ممكن اخدتها تساعدنى على الدايت متسرعش ضربات قلبى
وهل انا جسمى قادر على الحرق اصلا بالرغم من انى شيلتها

3- الحالة اللى انا مش فهماها ايه دة الجو بيسخن شوية بحس بضغطة بسيطة على الدماغ يمكن مش عارفة
هل لبس الكوفيات والهايكول يخلى تحصلى الحالة دى ؟
هل ممكن يجيلى هبوط
هل فى مجال للأعراض حدو ث وفاة

ارجو الإفادة يا دكتور اسفة لكل رغى ده لاكن انا مضربا جدا ومش عارفة ايه اخر الموضوع ونفسيتى وحشة جدا ؟؟؟

4- ايه مصير حياتى ؟؟؟؟ من ناحية الإرتباط والإنجاب[/color]

5- امتى اعرف انى فى خطر ؟
لان دكتورى مش سهل انى اوصلة

د. فراس الصفدي 18/02/14, 08:06 am

السلام عليكم ورحمة الله وبركاته.

أهلاً وسهلاً بكم وشكراً لاستشارتنا..

أولاً معظم الأعراض والمشاكل التي لديك الآن ناتجة عن اضطراب وظيفة الغدة.. ويفترض أن تختفي جميع الأعراض مع الوصول إلى جرعة العلاج المناسبة لديك وعودة التحليل إلى القيم الطبيعية، والذي يحتاج لبعض الوقت طبعاً.. ويبدو أنك قلقة أكثر من اللازم، ولذلك أقول لك أنه لا داعي للخوف.. وهذه الإجابة على أسئلتك:

(1) تضخم الغدة يمكن أن يعود بعد العملية ولكن في نسبة قليلة من الحالات. إذا التزمت بالعلاج المحدد من قبل الطبيب بالإضافة إلى إجراء التحاليل المخبرية الضرورية كل فترة فمن المستبعد للغاية أن يعود التضخم مرة ثانية. وحتى حين يعود التضخم للحدوث فإن ذلك يحدث عادة بعد سنوات، ولذلك فإن ما تشعرين به الآن هو مجرد تهيؤات.

(2) الدواء المناسب لك لتخفيف الوزن هو أورليستات عيار 120 ملغ 3 مرات يومياً. وهذا الدواء يؤدي إلى عدم امتصاص الطعام وبالتالي يترافق مع بعض الإسهال والانتفاخ البطني في بداية استعماله. ولكنه أسلم الأدوية في وضعك لأنه لا يؤدي إلى اضطراب في القلب أو الجسم بشكل عام. ولكن يفضل عدم تناول الدواء إلا بالتنسيق مع طبيبك.

(3) أعراض السخونة والبرودة من اضطراب وظيفة الغدة لديك، ويمكن أن يحدث شعور بالهبوط أحياناً. ولا علاقة لها بالثياب التي تلبسينها.. وهي سوف تعود إلى طبيعتها مع عودة تحاليل الغدة إلى الطبيعي.. أما حدوث الوفاة فهو غير وارد في هذه الحالات ولا داعي للقلق.

(4) بعد أن تعود وظيفة الغدة الدرقية إلى الطبيعي يمكن لك أن تعيشي حياة طبيعية تماماً وتتمتعي بوظائف طبيعية بالنسبة للزواج والإنجاب والإرضاع أي مثلك مثل أي شخص آخر طبيعي..

(5) أنت لست في خطر طالما أنك تتابعين مع الطبيب وتلتزمين بتعيلماته.. هذه الحالات يجب متابعتها بشكل جيد مع الطبيب وعدم إهمال المراجعة أو إجراء التحليل في الوقت الصحيح لأن المتابعة الصحيحة للحالة هي الطريقة الوحيدة للسيطرة على الأعراض ومعالجتها بشكل كامل حتى الشفاء إن شاء الله. ولذلك فإن نصيحتي الأساسية هي الالتزام مع الطبيب حتى لو كان هناك بعض الصعوبة في ذلك..

وأخيراً بالنسبة للندبة الجلدية مكان العملية فإن الندبة لا تتخذ شكلها النهائي إلا بعد سنة واحدة على الأقل من العملية، ولذلك لا يزال أمامك فترة ستة أشهر إضافية يمكن خلالها أن يتحسن شكل الندبة ولونها بشكل كبير ويصبح شكلها مشابهاً لشكل الجلد المحيط بها. ولذلك لا داعي للقلق من هذه الناحية..

مع تمنياتي بالشفاء العاجل إن شاء الله..

د. فراس الصفدي

Cinderella 19/02/14, 08:15 pm

شكرا جزيلا ً د. فراس للإفادة واطمئناني

Cinderella 20/02/14, 06:24 pm

هل بعد ما تم استئصال الغدة
هل الجسم قادر على الدايت والحرق زى الاول وتثبيت الجسم
ام الأمر اختلف

د. فراس الصفدي 22/02/14, 08:12 am

طالما كان الإنسان يتناول العلاج بشكل منتظم وكانت تحاليل الغدة في الدم طبيعية فسيكون مثله مثل أي شخص آخر لم يخضع لإجراء العملية أي أن جسمه سيكون قادر على التبدل بأي شكل ممكن..

طلب استشارة

طلب استشارة

رد: طلب استشارة

thxxxxxxxxx :)

سؤال أخر واسفه للإزعاج

رد: طلب استشارة