خمول الغده الدرقيه

السلام عليكم دكتور ارجوا من سيادتكم افادتى من حوالى سنه ونص كنت اخذت حبوب منع حمل غير مناسبه عملت ليا شويه نزيف والدكتوره قالت ليا انه ممكن تكون لغبطت الهرمونات عشان نزول الدم الغير منظم وبعدما وقفت الحبوب بشويه الحمد لله كله صار تمام وبعدها بحوالى 6شهور يعنى من سنه بطنى وجعتنى ودم مش منتظم الدكتوره كتبت ليا (سيدولوت نور) وقالت ليا اروح لدكتور باطنه من حوالى سنه رحت وطلب منى تحاليل من ضمنها tsh وطلع عالى حاجه بسيطه 4.2 والطبيعى لحد4 ادانى التروكسين نص قرص 50 وبعد شهرين عملت تحليل طلع 0.06 قالى خلاص ووقف العلاج ومشيت حوالى شهرين ولاقيت نفسى بتخن ومش بخس لانى كنت عمله رجيم قبل كده ومش عارفه انزل وزنى رحت تانى للدكتور وعملت تحليل طلع 11.6 مش عارفه ليه هل انا اصلا ما كنت مريضه غده والدكتور استعجل بالعلاج وهو اللى بوظ الدنيا وزاد لى الجرعه الى قرص 50 وكان لاقى ان ضغطى عالى شوى 140 على 90 او100 وعطانى فتره دوا للضغط وعطانى ايضا دوا الجلوكوفاج 1000 بغرض التخسيس وبعدها عملت تحليل تانى النسبه فى كل مره ازيد من الطبيعى على الرغم انى منضبطه جدا فى اخذ العلاج واخر تحليل كان 6.63 مع العلم ان الft4 والft3 مظبوطين على طول الحمد لله وانا مواظبه على التحاليل كل 3 شهور تقريبا مع العلم ان محدش فى العيله كلها عنده غده وكنت عايزه اقول لحضرتك انا متضايقه جدا لانى مش عارفه اخس خالص بعمل رجيم باكل القليل جدا واكتر حاجه انزل 1ك ولو اكلت فى يوم ازيد 2ك مش عارفه اعمل ايه وكنت عايزه اعرف لو فى فيتامينات تقوى وتنشط الغده وتساعد على التخسيس ومواعيد اخذ العلاج وانا صايمه امتى وهل العلاج اللى باخده دا فى غلط وان اخر جرعه باخدها هى قرص ونص من التروكسين 50 اسفه للاطاله ولكنى حبيت اشرح الحاله بكل تفاصيلها وارجوا افادتى وشكرا

اولا شكرا جزيلا لاهتمامك دكتور ومشكور على الرد كنت عايزه اعرف حضرتك انى بالفعل متابعه مع دكتوره للغدد الصماء وهى اقصى حاجه عملتها تحاليل الغده الثلاث فقط ومفيش اى حاجه تانى وبتعطينى العلاج بناء على نسبه ال tsh فقط متابعه معاها بقالى 6 اشهر بعد دكتور الباطنه واخر حاجه اخدها دواء للكالسيوم ودواء جلوكوفاج 1000 بغرض التخسيس وال التروكسين قرص ونص يوميا من ال50 . يعنى حضرتك تنصحنى انى اطلب من الدكتوره انى اعمل الاشياء دى من اشعه وخلافه وكده ولا ايه وحضرتك شايف انى كده فعلا عندى غده ولا النتائج دى بسبب ان الدكتور استعجل وادانى علاج للغده فعمل شويه لغبطه وممكن ارجع لطبيعتى وايه الوقت المناسب لاخذ علاج الغده فى الايام العاديه وفى رمضان وما هى النصيحه التى تنصحنى بها لاتغلب على هذا المرض وجزاك الله خيرا

وعليكم السلام ورحمه الله وبركاته . انا كنت سألت الدكتوره بالفعل عن سبب وجود الغده لدى مع العلم انه لايوجد اى شخص بالعائله لديه الغده قالت لى انها من امراض ضعف المناعه وسؤ التغذيه وهى السبب بنقص الكالسيوم لدى وعلى العموم انا ذاهبه لعمل التحاليل المطلوبه منى وسوف اقوم بزيارتها قريبا وسوف اعلم سيادتكم بالتفاصيل وجزاك الله خيرا على صدرك الرحب