عقد في الغدة الدرقية

بلشت القصة بوجع مفاجى بالرقبة و انتفاخ بنصف الرقبة عند الحنجرة الاتنفاخ اقرب لطرف اليسار و صعوبة بالبلع و صوتي مبحوح و طبعا مباشرة طلبوا ايكو للرقبه و عملته و كانت النتيجة تواجد
1_ عقدة بالدرقية على الطرف الايسر صلبة بحجم نصف سم(قالولي العقدة صغيرة ما بتخوف و بدها مراقبة بس )
2_تواجد كيس بحجم ٣*٢سم عند منطقة جوزة الحلق (الله وكيلك ايكويين قالوا خراج لمفاوي و ايكويون قالوا كيس خلقي درقي لساني )
3_في عقد لمفاوية منتفخة .
و عطوني ادوية التهاب لمدة ٣ اشهر و الحالة صارت تزيد
بعد بشهر انتفخ تحت ذقني و باحد الايكويات شخصت لمفاوية و لساتها منفوخه لهلا و الحمدلله صار طرف وشي مائل لليمين وكل يلي كان ظاهر بالايكو ضل نفسه بدون تغير على ادوية الالتهاب و حتى اللمفاويات بلش تزيد
و طبعا شي قال بدي عملية للكيس الخلقي و شي قال عمر ٣٦ سنه صرلي عايشه مع الكيس ممكن كمل و عادي و هاد ما بوجع و في دكتور قلي لازم عملية و الله اعلم شو بدنا نلاقي داخل الرقبة
جميع تحاليل الهرمون للدرقية سليمه
تحليل الدم سليمة تماما حتى سرعة الترسب طبيعية
انا رقبتي واجعتني و منفوخه و ادنيي عم موت من وجعهم و رحت 3 دكاترة انف و اذن و قال مافي شي و لا حتى احتقان
حتى اسناني عملت بانورما و قالوا ما في التهاب بأسناني ابدا
*و عملت صورة مقطعية كانت النتيجة اسوء من يلي قبلها ما بينت الدرقية و بس بين الكيس و شخصوه كيس درقي لساني
*قمت ببزل الكيس و تحليله طلع مو جرثومي و كمان ما بين تابع لمين لا لمفاوي و لا درقي و بعد ١٥ يوم رجع عبا الكيس رد و بعد ٣ اشهر بزلته رد و الحمدلله هلا صرله شهرين كانه عبى شي بسيط جد
طبعا القصة صرلها من شهر ١١السنه الماضية و من كتر ما كانت اراء الدكاترة و بالذات الجراحين منتاقضة قررت اسكت على وجعي و بالذات بعد البزل التاني لانه عم يخف الوجع بعده
بس اول رمضان فخأة بلشت رقبتي تتصلب وفقت من النوم مو بقيان لمفاوية من طرف ادني اليسار لعند الدرقية مو منفوخ و رد رحت لعند دكتور انف و اذن قال مافي شي و الحمدلله بعد كم يوم رجعت المفاويات هديت و في شي لسا منفوخ فقررت رد بلش بالفحوصات من اول وجديد لانه صارت رقبتي ظاهر انتفاخ اللمفاويات من جهة اليسار رحت عند دكتورة باطنية لانه قالولي انه على الاغلب هنن يلي بيختصوا بالمفاوي طبعا الدكتورة كتير استغربت من انتفاخ رقبتي لانه صار باين للكل و عملت ايكو بعد خمس اشهر من اخر ايكو و كانت هيك النتيجة
*Average size both thyroid lobes with bulky isthmus 4.4 mm.
*Right thyroid lobe shows two heterogeneously hypoechoic nodules, the largest measures 4.6×2.2 mm
*Left thyroid lobe shows a well defined heterogeneously hypoechoic nodule measures 4.5 x 6.7 mm
*Two small size mid line cysts can be seen with clear anechoic content, the largest measures 2.9×5.1 mm origin ??sub lingual
*Normal opacification of the major vessels of the neck.
*Multiple bilateral enlarged non specific reactive deep cervical lymph nodes on left side, the largest measures 19 mm.
*More IMPRESSION:
Bulky Isthmus with Multiple Thyroid Nodules.
Two Mid Line cystic structure Nature, Origin ?? Described Above T, Neck with Contrast Is Advised Multiple Reactive Non specific Enlarged cervical Lymph Nodes
هلا السؤال ليس صار في عقد تانية في الغدة الدرقية كان اول عقدة بالفص اليسار و و هلا في اثنين باليمين ؟
ليش رقبتي عم موت من وجعها و كلها لمفاويات منفوخه و دكتورة الاشعه قالتلي ما عم لاقي مكان برقبتك مافي لمفاوية مو منفوخه ؟
في كيس درقيبي خلقي طلع على عمر ٣٦ سنه وين كان هاد و شلون طلع فجأة ؟
معلومات ممكن تساعد عائلتي فيها نسبة سرطان كبيرة و على عمر ٣٠ و اربيعين سنه و في امراض مناعة ذاتية متل الروماتويد
اسفة على اطاله بس الجراحين بدهم ct جديدة و بعض الدكاترة عم يقولوا ما بدي شي

جزاك الله خير ان شاء الله الاسبوع القادم سأجري صورة المسح الذري و ارسل التقارير لكم
شكرا جزيلا للرد السريع