اضطراب الغده الدرقية وعلاقتها بالسمنة

السلام عليكم ورحمة الله وبركاته أنا الصراحه اتشرفت جدا بمعرفة هذا الموقع العربى الطبى وشكرا جزيلا لقبول اضافتى وكنت أود المساعدة فأنا منذ أن كنت طفلة فى السابعه من عمرى كنت سمينة وحتى الان مع العلم بأن أكلتى مش كتير خالص زى مبيصورا الناس السمينة فى الأفلام أكلتى كمان قليلة جدا مقارنة ببنت خالتى اللى هيا رشيقه جدا المهم طلبت منى الدكتورة من سنتين تحليل للغدة الدرقية وكانت النتيجة كالأتى:

T3 Free   Result 2.8    Unit Pg/mL    Reference range (2.3  - 4.4
T4 Free   Result 1.4    Unit ng/dL    Reference range (0.8  - 2.0
TSH   Result 2.89    Unit mIU/mL    Reference range (0.30 - 5.50

وقالت لى الدكتورة حينها ان التحليل سليم وانه عادى كل البنات بتزيد ده الطبيعى وخلال سنة وثلاثة شهور أخذ وزنى فى الزيادة علما بأنى دائما متوتره وقلقانة أثناء هذه الفترة  ثم قمت بإعاده التحليل مرة اخرى بناء على طلب الدكتور ثم كانت النتائج كالأتى:

T3 Free   Result 2.7   Unit Pg/mL    Reference range (2.3  - 4.4
T4 Free   Result 1.1    Unit ng/dL    Reference range (0.8  - 2.0
TSH     Result 4.93    Unit mIU/mL    Reference range (0.30 - 5.50

وقال لى الدكتور ان الغده يدوبك ماسكة نفسها ولازم نزقها شويه علشان تحرق (TSH     Result 4.93) وعملى دائرة على الTSH وادانى التروكسين 50 ميكروجرام حبة قبل الافطار لمده ثلاثة شهور تم اعيد التحليل مرة اخرى انا بخده بقالى اسبوع ومش عارفه ايه اللى خلانى اعمل عليه سيرش من يومين والصراحه اترعبت جدا منه لما عرفت انه بيلعب فى هرمونات الجسم وان اللى بيمشى عليه مره لازم ياخده مدى الحياة ده غير اثاره الجانبية وانا مش عايزه اخد علاج واغير فى الهرمونات بتاعه الغده وخصوصا انى شايفة ان النسبه اللى موجوده فى التحليل الاخير داخل المعدل الطبيعى لها عموما انا وقفته وبقالى يومين مش باخده ايه نصيحة حضرتك ليا يادكتور لان ساعات الدكاترة بتستسهل وتكتب دواء وخلاص ويطلع المريض فى غنى عنه ومش محتاجه خالص اساسا أرجوك محتاجه نصيحتك جدا وشكرا جزيلا.