خياطة جراحة الفتق السري اتفتحت تاني

السﻻم عليكم دكتور فراس اسفه للاطاله وارجو الرد في اقرب وقت مناسب لحضرتك
انا تقريبا قرأت اغلبيه ردود على اسئله الفتق واستفدت كتير وارجو طمأنتي على حاله والدتي عملت عمليه فتق سري مختنق من 27 يوم تقريبا
عمرها 63 عام عندها فتق سري من اكتر من 20 سنة ومريضه ضغط وسكر وروماتويد مفصلي
وكان مفيش منه مشكله مؤخرا تعبت جدا حراره وضغط واطي والم بالسره ومغص غير محتمل واكتشفنا فبعد 20 يوم من التعب وبعد اجراء اشعه بالصبغه عالقولون ان الفتق السري مختنق وادى لسد القولون والدكتور دخلها عمليات فورا لاصﻻح الفتق ولفك التواءات القولون
وشال السره خالص وركب شبكتين ﻻن والدتى مليانة وبطنها كبيره
بعد العمليه باسبوع ﻻحظنا حراره وتعب وهمدان وبدا جرح السره ينزل صديد رائحه كريهه اخدت اوجمنين كانت بترجعه كذا يوم بعدها الدكتور وصفلها حقن وريدي invanz بدات تتحسن عليه وبدا الصديد يروح
مكان الخياطة الكباسين الحديد بدا اللحم لونة ابيض وبدا اللحم يدوب والجرح يفتح وكل يوم الفتح يكبر لدرجة ان الشبكة باينة
الدكتور قالنا انه هيخيطها تاني بس منستعجلش وهنسيبها كده لغايه ما الدرنقه مش تجيب اي سوائل حتى لو قعدنا اسبوعين كمان والاحسن ان الجرح ينشف علشان ميفتحش مننا تاني
وبنغير عليها كل يوم ببيتادين ومغطيين الجرح بشاش معقم
علما بان الدرنقه حاليا بتجيب 200 او 250 سائل اصفر وايضا بينزل نفس السائل من المنطقه المفتوحه من بطنها
ايه راي حضرتك في كﻻم الدكتور استنى وﻻ اعمل ايه وايه سبب ان الجرح فتح تاني
وايه الاحتياطات اللي ناخدها لما نخيطه تانى لتفادى المضاعفات اللي حصلت

انا مﻻحظه ان السائل الل بينزل فالدرنقه مش بيقل يعني ثابت
والدكتور قال سبب فتح الجرح ان ماما عندها انيميا ومش بتاكل كويس ﻻن من بعد العمليه جالها حاله من فقدان الشهيه تماما وان الدم مش واصل للبطن
فهل ده صح؟؟

هو الموقع شغال ؟ وﻻﻻ؟؟

ياااااااارب

؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟
؟؟؟

شكرا د فراس واسفه ﻻزعاج حضرتك
لسه الدبابيس موجوده في بطنها وبدات تتفك والجرح كل شويه يفتح اكتر والسائل كتير بينزل
بس مكنتش اعرف ان الضماده ﻻزم تكون جافه
هيا بتبقى فيها سائل كتير ومش بنغير اﻻ مرة فاليوم فهل ممكن يكون ده سبب ان خياطة الجرح اكل شويه يتتفك وتكبر ويزيد
وهل نغير كل مره بشاش معقم وبيتادين ؟
والجرح للاسف الدكتور هيعيد خياطه ﻻنة مفتوح جامد

اوضيح بسيط الجرح مفتوح جدا فالدكتور ﻻزم يشيل اطرافه بالمشرط ﻻحياء الجرح تانى ويخيطه من جديد عشان يلتئم
والشبكة ظاهره جدا وفيه ماده لونها ابيض فوق الشبكة بادئه تظهر دي ايه؟؟
وسؤالي لحضرتك امتى الميه دى تنشف ﻻنها طولت اوى بقالنا شهر و10 ايام تقريبا ولسه الضماد وهدومها بتتبل من الميه

الدكتور الجراح اللي عمل العمليه شاف الجرح
وقال ان الجرح تمام ولكن في صديد وفيه سائل داخل بطنها وفي حراره
وقال ده طبيعي طول ما الجرح مفتوح معرض اان يحصل كده
وحدد الاسبوع القادم ماما تدخل العمليات تانى لخياطة الجرح ﻻنة كبير وقال ان احتمال يحاول يشيل الشبكة ﻻنه شاكك انها تكون السبب في المشاكل دي ومناعه ماما مش مساعده ان جسمها يتقبل الشبكه وهيركب درنقه مره اخري علشان السائل ينزل منها
وايضا ان الجراحين في عمليات الفتق السري المختنق ﻻ يحبذو تركيب شبكة ﻻنها بتسبب التهابات ولكنه جازف وعملها علشان تعيش بعد كده حياتها طبيعي والفتق تنساه خالص
ولكن للاسف عملت مشاكل كتير
ايه راي حضرتك في التطورات